蘇麗珊 被羅嘉良氣場震懾

劇集版《無間道》昨晚起在香港開電視足本播放，有份演出的蘇麗珊相當雀躍，笑言仍記得拍攝時的點滴。她說︰「《無間道》係經典作品，我哋拍嗰陣台前幕後日夜對足幾個月，相處非常融洽，大家都有一個信念，就係齊心合力拍一個好嘅作品。」她笑言劇集是四年前拍下，自嘲仍有很多地方可以做得更好。

《無間道》雲集眾多好戲之人，蘇麗珊特別難忘前輩羅嘉良出神入化的演技，她表示劇中與羅嘉良沒對手戲，但仍專程去片場睇對方演出，乘機偷師︰「我記得嗰場戲好嚴肅，我一入去就見到羅嘉良拍緊，佢嘅氣場真係震懾咗我。不過鏡頭下佢判若兩人，係好友善、好有親和力嘅前輩，真係好犀利。」