汪明荃開倉曬戰衣

73歲的汪明荃（阿姐）入行數十年，珍藏了多套華麗靚衫，汪阿姐昨日趁着好天氣，在市值近一億元的西貢獨立屋「曬」靚衫。阿姐在社交網上載多張「曬衫陣」相片，大概有過百件衣物，令不少網民譁然。

阿姐憶述童年時曬衫的情景︰「每年放暑假，媽咪都要我同家姐細佬負責將家中各人的冬天衫、棉胎等搬上天台曬太陽，是一個好大嘅工程，仲要連續曬兩日，確保所有衣物都清潔、殺菌、無蛀壞、無發霉，啲衫就可以着耐啲、襟啲。仲記得曬衫個陣我會擔凳仔坐定定睇公仔書、武俠小說，因為我要睇住啲衫，驚畀人偷咗呀！童年的快樂時光。」阿姐的靚衫花多眼亂，就連「豹嫂」胡蓓蔚都忍不住留言︰「D衫會唔會靚得滯？」有網民則羨慕稱︰「有地方曬衫真好。」