《使徒行者3》咀完三哥咀馬明 黃智雯：媽咪好羨慕我

黃智雯、苗僑偉（三哥）及馬國明等昨日出席無綫重頭劇《使徒行者3》記者會，身為《使徒》新成員的智雯，在劇中艷福無邊，先後跟馬明及三哥拍攝接吻戲。智雯坦言被三哥錫到心跳加速，又大爆黃媽媽是三哥粉絲，所以對智雯羨慕又妒忌。

由林峯、苗僑偉、馬國明及黃智雯主演的《使徒行者3》，將於今晚在myTV SUPER的myTV Gold上架。一眾演員昨日為新劇造勢，不過剛榮升爸爸的林峯沒有現身，只拍片為團隊打氣。黃智雯在劇中與三哥咀嘴，智雯坦言一聽對方提起接吻戲就會面紅：「我好尷尬，因為三哥係男神！劇本無呢個情節，係三哥同導演臨時傾咗加落去，劇情好合理，我有觸電感覺。」

提到三哥形容智雯「由僵硬錫到變軟」，智雯笑說：「因為我反應唔切，佢有問過我，但我以為講笑，一埋位佢就錫埋嚟，所以有啲僵硬同震驚，佢呢個吻係好有驚喜同衝擊。」至於與馬明的咀戲，智雯卻反應「冷淡」，她笑說：「我同馬明都唔係第一次錫啦，同佢係細水長流，同三哥係心跳加速。我同媽咪講我同三哥有接吻戲，佢好羨慕我！」

馬明靚湯獲讚登對

三哥與馬明表示未探望過林峯的初生女兒，只看過照片，問馬明會否想快些結婚生B？三哥即搶答：「相信都好快！估唔到佢（馬明）同我世姪女（湯洛雯），大家拍《使徒3》都經歷唔同變化，有袁偉豪求婚、黃翠如準備生仔，仲有秘密拍拖中。」三哥搞笑地「狙擊」馬明說：「真係估唔到你哋，你同我世姪女點識？我幫岳父（湯鎮宗）問。」馬明不懂反應，三哥再說︰「馬明好內斂，所以（湯洛雯）先鍾意佢，佢哋好登對！」至於馬明被影到拍拖睇樓，他聲稱只是路過，三哥聞言即取笑他不夠醒目。

採訪︰Pauline

攝影︰林良明

編輯：李潔盈

美術：梁政敏