《繼園臺七號》扮夫妻 張艾嘉林德信演繹母子戀

張艾嘉（張姐）及林德信（Alex）在楊凡執導的動畫電影《繼園臺七號》中，聲演一對夫婦。二人在戲中演繹母子戀，張姐笑言配音時大家分開錄音，她看過電影後，也大讚這位後輩的表現。

張艾嘉與林德信昨日出席《楊凡給香港的情書》展覽，提到二人在《繼園臺七號》聲演夫妻，他們的女兒更由趙薇聲演。張姐笑說：「戲入面係講述Alex比我細20幾年，雖然我哋配音嘅時候係分開配嘅，不過之前喺威尼斯影展已經睇過齣戲。」問她覺得Alex首次配音表現如何？她大讚：「梗係OK啦，如果唔係楊凡都唔會畀佢pass。」

提到工作近況，張姐原定在上月開拍新片《燈火闌珊》，但押後至下月才開工。她說：「《燈火闌珊》係一部幾百萬嘅低成本製作，成齣戲起用嘅導演、班底都係新人，我今次都係象徵式收車馬費。」她表示電影講述日漸式微的霓虹燈行業，她在戲中飾演寡婦：「呢套戲預計拍20日，因為拍攝期好短，預咗會辛苦啲。我唔介意辛苦，我都希望自己捱得過，其實今次最重要都係鼓勵一班新人。」問她可會提供意見給新導演？她笑說：「我會分享自己嘅專業知識，不過都會尊重新導演嘅最後決定。」

林德信唸普通話對白嗌驚

至於Alex表示今次要用普通話聲演，加上面對張姐、趙薇及吳彥祖等強勁演員，令他深感壓力。他說：「今次我唸普通話對白，加上女主角趙薇同張艾嘉本身都係講普通話，所以我只係BB班。楊凡嘅對白好文學，較為傾向書同電影，好高層次。」他坦言試演時曾被導演評為不及格，幾經調整獲錄用後，更為電影配音兩次，最後楊凡選了第一次錄音。Alex說：「可能導演鍾意感覺自然啲，通常創作都揀最後一次，但導演唔同，好欣賞佢。」

另外，Alex繼母葉蒨文上月底59歲牛一，而爸爸林子祥則在下周一（12日）生日，Alex表示礙於限聚令，稍後一次過在家中慶祝。問他會否親自下廚？他說：「我問過爸爸，佢話想食漢堡包，不過佢要求好高，我驚會整得唔啱佢口味。」

採訪︰Pauline

編輯︰李潔盈

美術︰梁政敏

攝影︰林良明