黃嘉樂咀楊明 唔擔心莊思明呷醋

黃嘉樂近日拍攝新劇《我家無難事》，他飾演一名同性戀時裝設計師，跟楊明有疑似「HeHe」關係。嘉樂表示昨早與楊明同場，他透露︰「佢嘅狀態都好好，今朝拍一場喺街同佢分手嘅戲。（楊明有無揸車返工？）我唔見佢揸車喎，（會否載佢坐順風車？）因為我遲過佢走，所以無留意，如果可以我一定車埋佢，不過佢自己都有『寶貝』（莊思明）車佢啦！」問到莊思明可有探班？嘉樂表示未見她出現，但笑言︰「我要同莊思明講聲，我同楊明有一場接吻戲，不過我唔可以劇透，等套劇出街大家自己睇啦。（怕唔怕莊思明呷醋？）我驚自己女友呷醋多啲喎，思明好大方，一定無問題嘅。」

此外，剛榮升美容店老闆娘的林秀怡，笑言拍劇十多年常扮演護士，一直都無得「升職」，都想嘗試飾演醫生。