上海隔離期滿出關 細細粒「報復式」狂擦小籠包

陳嘉佳（細細粒）本月初返家鄉上海，為新工作做準備。在酒店隔離14日後，細細粒前日終於「出關」。她開心得在酒店跳舞轉圈拍片放上網，又說︰「係咪好奇怪點解我會化粧呢？因為仲有三個半鐘頭，我就完成咗14日嘅隔離，我之後行程非常豐富，會去食蟹粉小籠包、蟹粉麵，總之好多嘢我要食，我一定會記錄畀大家睇㗎！」離開酒店後，細細粒即狂食蟹粉小籠包醫肚。

細細粒為美食甘願捱眼瞓，翌日清晨六時已到某馳名的蔥油餅店排長龍︰「蔥油餅聽說非常出名非常好食，最出名係要排幾個鐘，大清早六點，我估應該無乜人排隊啩，完全錯晒，我都排咗一個鐘。你問我好唔好食？排咗成個鐘點都好食啦，其實都真係好食嘅。」