【住院8日】余慕蓮嘆身體變差肺部纖維化 「醫生話冇得醫都係等時間」

現年83歲的資深演員余慕蓮近年甚少出席公開活動，多次傳出她身體出現問題，繼早前她不幸患上耳石移位導致經常頭暈後，近日又有消息指她患上肺炎，情況令人憂慮。余慕蓮接受「香港開電視」的電話訪問，她形容自己身體大不如前：「依家我睇成十個醫生，之前患耳石（移位）所以暈，依家睇睇吓，醫生話我個肺纖維（化），痛就唔痛，不過成日透唔到氣，行５分鐘多啲就已經喘氣，醫生話冇得醫都係等時間，遲啲可能要吸氧氣。」

【一罩難求】余慕蓮獨居徬徨缺口罩唔敢出街 魏綺珊一個妙計教人口罩點重用？【下一頁】

{{hket:inline-image name="800_5261f0f90c9911f69fd79bcc5e1bee64.jpg"}}{{/hket:inline-image}}

(圖片：東星娛樂)

{{hket:inline-image name="800_d3b31a92d78afca49dbd28a5d653f4a1saasftp20200221.jpg"}}{{/hket:inline-image}}

(圖片：東星娛樂)

余慕蓮表示由於疫情的關係，她幾乎不出門，加上呼吸困難，人要扶拐杖出入，所以情願不出門。余慕蓮單身無兒無女獨居生活，幸好朋友輪流照顧，為她準備三餐餸菜，她已經聘請外傭照顧自己，將會9月底來港。問到醫藥費負擔會否很重，余慕蓮說：「有平有貴，有啲醫生唔收我錢，知我平時成日做義工同捐學校，所以有啲唔收我錢。」余慕蓮2005年從無綫電視發給她的港幣20萬元長期服務金中，拿出8萬餘元到位於山區的貴州省畢節市興建一所小學，命名爲「余慕蓮希望小學」，樂善好施，令人非常感動。

澄清經濟無問題 余慕蓮患耳石症【下一頁】

{{hket:inline-image name="YU4.jpg"}}{{/hket:inline-image}}

(圖片：演藝人協會影片截圖)

{{hket:inline-image name="YU5.jpg"}}{{/hket:inline-image}}

(圖片：演藝人協會影片截圖)

其實7月份余慕蓮因患耳石移位，導致經常出現頭暈眼花的情況，後來《東張西望》特別上門拜訪，並帶余慕蓮接受醫生診治，情況一度得以改善。當時有傳網上指余慕蓮因患病需要演藝人協會照顧供養，余慕蓮亦特別澄清絕無此事：「我做咗幾十年，我唔係好富有，但我仲有間屋、有多少積蓄，可以自己照顧自己，點解講到我咁呢？我怕被人利用，好怕啲粉絲捐錢以為畀我，捐咗去其他人度。」

{{hket:inline-image name="YU1.jpg"}}{{/hket:inline-image}}

(圖片：《東張西望》電視截圖)

{{hket:inline-image name="YU2.jpg"}}{{/hket:inline-image}}

(圖片：《東張西望》電視截圖)

{{hket:inline-image name="YU3.jpg"}}{{/hket:inline-image}}

(圖片：《東張西望》電視截圖)

責任編輯：楊安莉