籲支持導演遺作《怒火》 張家輝哀傷送別陳木勝

導演陳木勝（Benny）上月因鼻咽癌離世，終年58歲，昨晨在沙田舉行辭靈禮，靈柩隨後運送歌連臣角火葬場火化。扶靈名單包括導演杜琪峯、林小明、楊受成及成龍等，陳木勝生前人緣甚佳，不少圈中人如張家輝、郭富城、甄子丹、洪金寶也到場送Benny最後一程。

看來消瘦不少的張家輝，受訪時熱淚盈眶表示︰「我喺亞視拍劇年代，陳木勝剛剛做監製，佢畀我感覺係乾淨、有禮貌，佢對白波鞋成日都好乾淨！」家輝並感謝亡友多年來為香港影壇製作出不少佳作，「好似一個老品牌突然唔做、移民，有啲感情無可取代。」提到近年未有合作，他一度語塞並傷感表示︰「如果想好好懷念Benny，最好方法係睇佢嘅遺作《怒火》。」此外，城城亦表現感觸稱︰「佢係我電影路上嘅伯樂，好唔捨得！小美（經理人）曾同佢聯絡，當時佢仲話會去睇《麥路人》。」