謝安琪畀心撑細So 慘遭網民鬧爆「偽人」

商台前DJ蘇耀宗（細So）背妻偷食KOL「阿B」事件驚爆全城，報道出街後，細So火速在網上撰文認衰，並向太太承諾努力維繫家庭，做個好丈夫、好爸爸，而太太陳頴楠（阿Wing）亦同一時間發貼文，表示「這是我倆生命中重要的一課」，她選擇原諒老公，並肩繼續這段旅程。

細So兩公婆各自回應後，好友謝安琪（Kay）第一時間在細So的帖文下畀心支持，不過想不到惹起大批網民暴怒，瘋狂留言鬧爆和質疑她派心行為，更以「偽人」、「可恥」等字眼形容Kay。有網民留言「係咪支持人哋偷食」、「咁你都畀得出心心」、「換轉你老公係咁，你又畀心喇喎」，更有人翻出Kay於09年與Eason（陳奕迅）傳過的婚外情緋聞來講︰「佢都傳過偷食Eason啦，實無問題」，惟Kay並未有作出任何回應。反而Kay老公張繼聰就在阿Wing的帖文下留言「一家人，一條心」，卻未有受到網民攻擊，認真同人唔同命。