星二代網上開學 麻甩張頴康陪大女上堂

在新冠肺炎疫情持續影響下，昨日有部分中小學生如常開學，不過就改以網上授課。不少藝人子女一早穿上校服，安坐家中上堂，張頴康一副睡眼惺忪的樣子陪女兒開課，場面溫馨又搞笑。而徐榮的兒子徐朗啟程飛往英國讀中學，妹妹徐心怡（包包）顯得依依不捨。

今年的開學日變得不一樣，不少星爸星媽都晨早起床，準備好電腦，為家中上課的子女打點一切。張頴康女兒張雅喬（小豆）今年升小一，他和太太麥雅緻頂住黑眼圈陪小豆開學。頭髮凌亂、滿臉鬍鬚的張頴康在網上分享道︰「小學一年班！咁重要嘅日子，爸爸媽媽梗係要送你返學啦！但你唔好怪爸爸點解頭都唔梳又着住睡衣送你返學，因為你今日返學係鞋都唔使着！不過慶幸嘅係，爸爸媽媽可以陪住你上堂！大家加油！祝各位小朋友可以快啲重返正常嘅日子啦！」而小豆一臉醒神，似乎十分期待上學。

張頴康昨午接受《晴報》電話訪問，他透露剛好與太太全日都不用工作，故早起都不算辛苦。對於陪囡囡上堂，他興奮表示︰「都幾得意，透明度幾高，知佢學緊咩。」至於細仔張迅橋（小花生）年紀尚小，故暫時未安排網上學習。

育有四名子女的林盛斌（阿Bob），其太太黃乙頤昨日亦上載三位囡囡在家中網上開學的情形，最特別是她們所用的枱凳都像課室的桌椅，加上林宅屬於三層獨立屋，絕對有足夠私人空間，同時讓三位女兒網上授課。

徐榮放手讓囝囝獨立

在熱播劇《反黑路人甲》中飾演奸角的徐榮，其大仔徐朗前晚獨自啟程飛往英國升學，他臨出發前最不捨得妹妹包包，兩兄妹更攬到唔願放手。徐榮在家人專頁留言︰「哥哥大個仔啦，第一次自己坐飛機，為自己由細到大的夢想出發。雖然好唔捨得，但係都要學識放手畀你自己學習獨立，臨上機哥哥叫我放心，佢自己會照顧好自己。啱啱收到你電話，知你平安到達，順利過關攞齊行李，安心晒，好好享受學校生活，加油哥哥！love you」

另外，陸永兩名女兒八歲的Hannah和六歲的Simsim，二人同樣穿起整齊校服上堂。戴眼鏡的大女Hannah一臉認真學習，反而細女Simsim望住電腦頭側側，表情多多十分可愛。

撰文︰倪小珊

編輯︰陳禮恒

美術︰梁政敏