姜濤執導MV嗌好玩

男團MIRROR成員姜濤目前身在台灣拍偶像劇《超感應學院》，他的第五首單曲《孤獨病》今日正式派台。雖然未能親身宣傳，不過姜濤首度執導新歌MV，大玩高難度一鏡過拍攝，相信「姜糖」（姜濤粉絲）必定大呼驚喜。姜濤說︰「好耐以前，腦海就有個畫面，係一個spotlight打落嚟，然後得我一個，今次隻歌係用呢個idea嘅好機會，所以同花姐（經理人黃慧君）講。」

他笑說︰「最好玩係可以坐喺導演位，掌控成個MV，呈現喺你心目中嗰個樣，可能開頭唔似你想要嘅嘢，但係慢慢就成形，呢個係最過癮嘅地方。最難忘係同工作人員溝通，今次一shot過，更加需要大家配合，所以都NG咗好多次。」他坦言未做到最好，希望下次再有機會執導跳唱歌MV。