【反黑路人甲】陳志健對老婆長情似足鐵頭 讚姜大衞好人：呢啲演員邊度搵

陳志健有份參演《反黑路人甲》，佢喺劇中飾演晨爺（姜大衞飾演）個仔「鐵頭」，因打人而坐監，出獄後接管「聯興勝」。雖然佢表面上好強悍，但其實為人天真單純，成日被人呃。

鐵頭一直傾慕於水姐（蔣家旻飾演），最新一集講述鐵頭出獄後帶埋鮮花去見水姐，一早已經唔鍾意佢嘅水姐同佢強調有咗新歡，鐵頭非常固執，一廂情願認為佢仍然鍾意自己。

{{hket:inline-image name="11.jpg"}}{{/hket:inline-image}}

(《反黑路人甲》電視截圖)

{{hket:inline-image name="12.jpg"}}{{/hket:inline-image}}

(《反黑路人甲》電視截圖)

為博紅顏一笑，鐵頭向水姐大騷胸口前嘅紋身「one life one love」，仲大庭廣眾唱歌冧水姐，後來跪埋地展示誠意。

{{hket:inline-image name="13.jpg"}}{{/hket:inline-image}}

(《反黑路人甲》電視截圖)

張細倫（王浩信飾演）到現場勸阻鐵頭唔成功，水姐再度向鐵頭拒愛。鐵頭冇被打擊到，除衫表白，揚言會等水姐回心轉意。

{{hket:inline-image name="14.jpg"}}{{/hket:inline-image}}

(《反黑路人甲》電視截圖)

陳志健接受《晴報》訪問，佢認為鐵頭性格同自己真人甚為相似：「我年輕時都係好衝動，不過呢幾年經驗多咗，慢番落嚟。個角色好愛水水，我一樣，想將最好嘅嘢畀老婆。」

{{hket:inline-image name="222.jpg"}}{{/hket:inline-image}}

(陳志健instagram圖片)

唔少演員拍打戲時試過受傷，陳志健都唔例外。佢指劇中有幕講述鐵頭想殺死裘哥（林敬剛飾演），打佢之前，鐵頭先將木棍毆落自己手，打斷木棍，突顯佢嘅癲喪。但陳志健大爆當時一度打唔斷木棍，搞到成隻手臂瘀晒：「打咗4下都唔斷，手臂已經瘀晒，要即刻去做刮沙放血，隻手紅晒、腫晒，夜晚仲要拍...不過拍出嚟效果好都冇所謂。」

{{hket:inline-image name="20.jpg"}}{{/hket:inline-image}}

(《反黑路人甲》電視截圖)

【反黑路人甲】劇中扮周潤發神秘人真身曝光 拍片整甜品冇時停狂整蠱湯怡 詳情即睇：【下一頁】

另外，陳志健喺社交平台做直播，佢指鐵頭叫晨爺做爸爸，唔係老竇，原來係有原因：「可能觀眾覺得咁叫好奇怪，其實我個角色設定係冇咩讀書，所以冇跟芷珊（湯怡飾演）叫晨爺做『father』，而係叫『爸爸』。現實中我都係咁稱呼自己嘅父親，親切感多啲。」

{{hket:inline-image name="21.jpg"}}{{/hket:inline-image}}

(《反黑路人甲》電視截圖)

陳志健又大爆自己、監製有特別設計過角色造型。如果大家有留意，會發現晨爺、芷珊探鐵頭監時，鐵頭塊臉都被其他監犯打到成臉傷晒。但當水姐探完佢，高彬(張振朗飾演)再去探監時，佢塊臉已經冇晒瘀青。佢解釋咁樣設計係有意思：「一開始係發脾氣同人打，後來水水嚟到，情緒上佢已經紓緩咗。」

{{hket:inline-image name="19.jpg"}}{{/hket:inline-image}}

(《反黑路人甲》電視截圖)

{{hket:inline-image name="17.jpg"}}{{/hket:inline-image}}

(《反黑路人甲》電視截圖)

{{hket:inline-image name="18.jpg"}}{{/hket:inline-image}}

(《反黑路人甲》電視截圖)

{{hket:inline-image name="16.jpg"}}{{/hket:inline-image}}

(《反黑路人甲》電視截圖)

劇中，陳志健同姜大衞對手戲甚多，佢指對方不時即場指導佢點樣演得更好，令佢學咗好多嘢：「佢係個好好嘅前輩，我有時NG導演會鬧，John哥（姜大衞）會講：『導演唔好意思，畀多一次機會Otto，我叫佢改㗎。』嘩, 呢啲演員喺邊度搵？佢唔覺得你浪費佢嘅時間，會同你一齊去做，係好專業嘅演員。」

撰文：張芷晴
責任編輯：楊安莉