《娛樂插班生》後再合作 黎耀祥要爆阮兆祥梅小惠情史

黎耀祥及阮兆祥昨日出席主持的myTV SUPER新節目《雙祥見》記者會，兩位祥仔原來自從95年劇集《娛樂插班生》後再度合作，他們笑言要互爆私隱，三屆視帝黎耀祥更揚言要贏台慶綜藝節目獎。

黎耀祥與阮兆祥昨日以「黑白配」打扮登場，原來二人上次合作，已是25年前的劇集《娛樂插班生》，他們在《雙祥見》節目總監梅小惠牽綫下，促成今次合作。兩位祥仔暫定主持36集，阮兆祥笑說：「點解係36集呢？因為係『做又三十六，唔做又三十六』嘅意思。」

兩位祥仔表示一起構思在節目中會暢談的話題，又講笑指會互爆對方私事，黎耀祥笑說：「梗係爆娛樂圈秘史啦！我見阮兆祥同梅小惠咁曖昧，諗住爆佢兩個同曾偉權當年嘅『三角情史』！」阮兆祥聞言搞笑抹一額汗，又表示節目相信令男士有共鳴，女士則可以藉節目了解男人更多想法。

飲醉錄影吃不消

阮兆祥透露，因梅小惠希望他們放鬆錄影，所以頭幾集錄影前，特地安排酒水給他們「飲番杯」：「梅小惠想我哋酒後吐真言，安排咗啤酒、紅酒，日本清酒、威士忌等，畀我哋『溝酒飲』，結果拍到第五集已經頂唔順！」問黎耀祥是否想憑節目贏台慶綜藝獎項？他說：「都係一個目標，綜藝節目對我嚟講仲係起步啫！」

另外，提到好友曹永廉發表黃翠如是「自己友」言論後，近來避見記者，黎耀祥說︰「呢排我無開劇又無返公司，暫時無聯絡佢，見到面會慰問下，佢咁嘅年紀係需要人關心嘅。（曹永廉與蕭正楠、黃翠如關係無變？）真係唔知，無見過佢哋，下次問下！」

採訪︰Pauline

編輯：李潔盈

美術：梁政敏