直播分房打邊爐 洪永城想同港姐熟啲

《2020香港小姐競選》一連六晚安排「我和港姐有個約會」網上直播，前晚頭炮由洪永城與其中三位入圍佳麗侯嘉欣、陳楨怡及范倩雯，各自歎海鮮火鍋「一人一爐」做直播，穿上低胸裙的侯嘉欣成功搶鏡。陳楨怡直指侯嘉欣的第一印象很惡，不過，相處後才覺得對方好nice。

直播完後問洪永城對三位佳麗的印象，他說︰「我同啲佳麗係首次見面，你一句我一句，之後熟少少會好啲，可能差罐啤酒！（邊位得到分數？）三個都攞到分，覺得Charmaine（范倩雯）談吐上比較主動，多啲回答問題，呢方面優勝啲。當然其他兩位喺儀態上、說話節奏上都好好。（有否被侯嘉欣嘅身材吸引？）我專注（枱上）海鮮、和牛，好肚餓，好多食物！」