「船P」羅生門後同場 江嘉敏攬實馮盈盈證友情不變

馮盈盈和江嘉敏這對好姊妹，早前因「船P」羅生門事件而傳出鬧翻後，昨日兩人到無綫電視城出席宣傳活動，合照時笑晒口兼互相攬腰，用行動粉碎不和傳聞，盈盈稱二人關係不變。

馮盈盈早前與賭王兒子何猷亨坐遊艇出海而傳緋聞，事後盈盈聲稱不認識何猷亨，只是拉江嘉敏衫尾赴約；但江嘉敏否認做媒人，反指是盈盈邀請她去派對。後來江嘉敏在IG不點名鬧有人「知人口面不知心」，似乎矛頭指向盈盈。雖然兩人事後都否認，但盈盈就將江嘉敏由好姊妹「降呢」做同事。

生日飯有拖無欠

昨日盈盈與江嘉敏同場出席「TVB Amazing Summer」宣傳活動，盈盈在台上被麥美恩揶揄︰「馮盈盈你唔亂上人哋隻遊艇，就唔會咁多事啦！」眾人不斷以「船P」話題狂笑馮盈盈，陸浩明亦笑說︰「啲水都畀人抽乾喇。」不過一向玩得的盈盈完全沒介意，更笑到四萬咁口，事後盈盈與江嘉敏被安排一齊合照，她們互相攬腰，全程亦笑容滿面，以行動粉碎不和傳聞。

事後兩人一同受訪，江嘉敏向盈盈詐嬌稱自己只穿波鞋，被盈盈的高度比下去。盈盈直言今次是不和傳聞後首次見面︰「因為大家一直都忙，暫時約唔到見面，今次工作就見到面。（尷尬？）無，絕對無！」江嘉敏反問為何要尷尬，她自言忙拍《七公主》，待空閒時會約盈盈補吃生日飯，她向盈盈說︰「放心，唔會拖太耐。」

問到事件是否兩人的友情大考驗？盈盈說︰「坦白講，新聞無特別影響，因為我工作忙，所以都少時間上社交平台，大家有少少諗多咗，無咁戲劇化嘅，關係維持不變。」江嘉敏自稱少留意娛樂新聞：「好多都係無中生有嘅假新聞，我會少接觸啲。」

撰文︰倪小珊

採訪︰楊安莉

編輯︰李潔盈

美術︰梁政敏

攝影︰林良明