拍《陀槍》被淋紅油 陳庭欣幸保靚樣

陳庭欣（Toby）昨午為無綫新劇《陀槍師姐2020》開工，拍攝了一場遭人尋仇淋紅油的鏡頭，Toby事前做足安全措施，她表示︰「我着咗啲比較舊嘅打底衫同內衣，仲有毛巾，之前拍中彈戲成日『黐立立』，啲內衣都唔要得。」Toby更自爆準備了三個垃圾袋，她補充說︰「一個笠住自己，兩個墊住架車啲座位，咁就唔怕整污糟個位，工作人員都叫我沖埋涼先走。」

雖然首次拍這類鏡頭，但Toby身手敏捷，其臉龐幸好沒有中招，她笑稱︰「導演提醒我被淋時記得合埋個口，我擰轉背避開，塊面一滴紅油都無，反而宣萱就中咗一滴喺塊面上。（男友心痛你畀人淋紅油？）佢知我拍劇鍾意有挑戰性，遲啲仲會拍碌落樓梯嘅場面。」