羅力威想陪雨僑入產房

羅力威昨日到商台宣傳，提到太太雨僑的預產期在八月，羅力威笑說：「老婆陀得好靚，仲靚過以前，又陀得唔算辛苦。依家我全面照顧佢，都會幫佢按摩手腳。」他希望太太臨盆時，疫情再緩和一點：「如果醫生准我入產房，我應該全程喺度陪太太。」他透露雨僑考慮順產生B：「佢想順產我就支持，順產傷口少啲痛，快啲復元。」

羅力威笑言全靠雨僑，學懂不少嬰兒產品的知識：「不過我都一邊陪住太太一邊學，我相信我哋兩個一齊，無嘢做唔到。」至於胎兒性別，他留待雨僑公布。日前羅力威34歲生日，他表示兩口子外出食飯慶祝：「依家太太最緊要食得好、瞓得好，趁佢生之前，去食多啲好嘢。」