許家傑爆《機場特警》亂入《愛•回家》

許家傑昨日在將軍澳電視城拍攝處境劇《愛•回家之開心速遞》，他表示將一人分飾兩角，除了「送水輝」外，更會以《機場特警》大反派「宋天機」角色現身。他笑說：「一人分飾兩個角色好難，『宋天機』好兇狠，『送水輝』性格和藹，完全唔一樣，覺得幾有新鮮感。」

有傳許家傑離開《愛•回家》劇組，他澄清絕無此事，笑說：「我手頭上除咗《愛•回家》就無其他劇，呢個時勢出面風大雨大，我愛回家，留喺『屋企』最安全，就算趕我都唔會走㗎啦。」他又指因「大小姐」林淑敏強勢重返接龍集團，所以自己與大小姐的感情戲會減少，他又劇透說：「之後『雷公』白彪會偷偷地喺接龍集團搞事，令集團有危機，本來大龍生唔鍾意我，都搵我返去幫手，希望救番集團。」

採訪︰Pauline

攝影︰林良明