《中佬唔易做》轉行揸貨Van體驗人生 麥長青︰退休可以試下當搵生活費

麥長青（麥包）、張松枝等拍攝的ViuTV實況真人騷《中佬唔易做》，已於上周四首播，眾人嘗試轉行展開第二人生，麥包先後做過速遞員及貨Van司機等基層工作。他昨晚接受《晴報》訪問時直言︰「揸車自由自在幾啱我，如果退休可以揸夜更！」

節目首四集由52歲的麥包及53歲的張松枝擔大旗，兩位中佬由綠葉變主角。日前播出的第二集中，麥包當「步兵」做食物代購，第一張單要代客購買台式鹽酥雞及水果；其後他再到超市為另一位客人代買食油、米及雞蛋，順利完成工作後，更獲對方要求合照。麥包在今晚第三集會揸貨Van送貨，體驗搵食車司機的辛酸史。另一邊廂，張松枝憑三吋不爛之舌，在全無相關經驗下成功獲取錄成為收費電視營業代表，今晚他變身「街霸」落區搵客。不少網民讚節目貼地具娛樂性；有粉絲亦指麥包夠投入，盡見中佬心聲。

昨晚麥包接受本報訪問，他指娘家（TVB）有不少舊同事捧場，亦有師奶及中佬觀眾支持。他說︰「無綫曾經有類似節目，不過係去外國打工，有導演同公司（TVB）講過可以做呢個模式真人騷，我都曾經諗過拍有關72行嘅節目，解構唔同行業！」

被中東口音英語考起

麥包認為節目最重要是帶出「中佬唔服輸」的心態，他直言拍攝了四集已獲益良多︰「學到唔同行業有各自苦況，好似做貨Van司機，客人想我送埋貨，但畀人抄牌就白做，所以會叫個客畀埋泊車費！」提到經歷速遞員及貨Van司機兩個不同工作崗位，他直言︰「做『步兵』好難，反而揸貨Van好啲，我退休後都可以做夜班送貨賺下生活費，黃昏先開工比較自由！」他又爆料指做貨Van司機時曾與外籍客人出現溝通問題︰「因為個客係中東人，講英文嘅口音我都聽唔明！」他透露日前有的士司機觀眾問他何解不嘗試揸的士，麥包回應︰「我揀做貨Van，因為揸的士要好熟各區嘅路！」

撰文︰Steven

編輯︰黃寶恩

美術︰Simon