無否認戀情 連詩雅狂讚陳家樂人品好

連詩雅（Shiga）與陳家樂被爆合作拍旅遊節目時互生情愫，有指家樂曾夜訪Shiga香閨。Shiga昨日對戀情採取不承認也不否認的態度，但忍不住大讚家樂好nice，暗示男方已融入她的生活圈子。

連詩雅昨日與惠英紅、王浩信、袁偉豪及黃智雯等，出席無綫新劇《刑偵日記》拜神儀式。對於被指秘密撻着陳家樂，Shiga透露去年七月他們跟攝製隊在濟州拍攝節目時，十分投契也玩得開心︰「我哋成班人friend咗，一直有傾偈。」

是否跟家樂拍拖？Shiga拒絕回應︰「感情嘅嘢唔回應，希望大家畀啲空間，嚟緊新劇《那些我愛過的人》出街，我都好緊張觀眾反應。（覺得家樂為人怎樣？）佢好nice，因為我唔係一個容易同人相熟嘅人，對方要心地善良同人品好，先可以喺我生活圈出現。」會否向家樂請教演技？Shiga自言可以請教身邊很多演員前輩，如惠英紅及姜皓文等。

惠英紅演精神病患難度高

同場的惠英紅在劇中與王浩信演母子，她透露自己的角色患有精神病，「兒子」王浩信則有多重人格障礙，所以拍劇時經常「跳掣」。惠英紅說︰「角色難度好高，都幾大壓力。我個角色成日有幻覺，浩信有三個人格，我有五、六種。我對住浩信三個性格會有三種態度，所以每日開工前就問浩信『你係邊個仔』。」

惠英紅又說：「我同浩信有唔少歇斯底里嘅戲，前兩日拍咗我病發亂打浩信，今次算係我拍戲以嚟最難演嘅一次。」問王浩信是否又做「兜巴信」被掌摑？他笑言︰「都係嗰啲啦，不過終於等到同紅姐合作，好開心，壓力係源自想做得更好。」

撰文︰倪小珊

編輯︰李潔盈

美術︰梁政敏