陳小春再當爸爸 曾國祥無意做父親：咪搞住

曾國祥的母親今年一月曾入院接受身體檢查，而曾國祥繼日前現身跑馬地養和醫院，他昨日早上11時多再到養和醫院探望住院的曾媽媽，問到媽咪目前身體狀況時，他表示︰「有啲唔舒服，但呢幾日應該可以出院。（老婆王敏奕都有嚟？）佢要開工。」

湊巧陳小春太太應采兒在同一間醫院誕下細仔，曾國祥表示曾看過報道，但當他被問到何時榮升父親時，立即耍手擰頭說︰「唔生啦，咪搞住！」隨即走入醫院。

至於王敏奕在本周四上映的電影《地下拳》中，飾演一名女中豪傑。電影以真打為賣點，演員包括李璨琛及盧惠光等，個個都打到傷痕纍纍，王奕敏表示︰「其實喺電影裏面，對比起孫振峰、鄭子平，我付出嘅唔算多，睇見佢哋打到周身瘀傷，都好心痛，希望觀眾可以喺鏡頭前睇到佢哋嘅努力。」