反串激似孖妹 阮兆祥望與渡邊直美合作

圈中「扮嘢王」阮兆祥扮乜似乜，最近化身「抗翼大師李雞鳴」，為留守家中的市民打氣，日前他又惡搞日本女諧星渡邊直美，造型幾可亂真。有網民狂推祥仔和真．渡邊直美合作，祥仔昨日回覆《晴報》時暗示︰「有消息再話畀大家知。」

新冠疫情持續，藝人為保持曝光率都出盡法寶，紛紛po相或拍片與粉絲互動。圈中「扮嘢王」阮兆祥扮過盧覓雪、韓國大叔PSY及4點鐘許Sir等，全都令人留下深刻印象。最近，祥仔定期將模仿片段放上網，早前模仿堪輿學家，並與鄧兆尊合作拍攝「抗翼大師李雞鳴」短片，引來不少網民讚好。

提供正能量扮乜都肯

祥仔在最新作品中化身「港版渡邊直美」，紮起經典牛角髻，就連粧容都跟足渡邊的閃令令眼影及鮮紅色唇膏，加上誇張表情和語氣，幾可亂真。他在短片先以日文打招呼，再用普通話表示要教大家一道「紅綠燈」料理，並將薑、蔥和辣椒加入沙律醬內，撈勻後表示︰「好香呀，你要吃一口嘛？不給你？我自己吃！好好笑呀，哈哈！」網民將焦點放在祥仔造型上，大讚他扮渡邊極之神似，有人問他「幾時表演一口吃蛋糕？」亦有網民期待港日合作扮孖妹。

祥仔接受本報電話訪問，他稱讚渡邊直美形象突出又帶給人歡樂，所以特意模仿對方，祥仔笑言︰「咁我當然無佢咁靚啦，所以改個名叫『渡邊直不美』。（網民期待兩人合作？）我非常渴望㗎，都可能有機會，佢喺日本同國際都有獨特嘅魅力，期待啦……有消息再話畀大家聽。」令人引頸以待。他續稱：「大家成日留喺屋企好悶，不如上網睇下啲開心嘢，我為博紅顏一笑，扮乜都可以。」

撰文︰倪小珊

編輯︰陳禮恒

美術︰梁政敏