王梓軒畀《機場特警》警犬「恰」

王梓軒在無綫熱播劇《機場特警》中飾演的「齋Sir」，與鄧佩儀（Gloria）演繹的「詩嬅」有不少感情戲，原來兩人私底下已認識五、六年，當初監製找他們飾演情侶時，想塑造出一凹一凸的感覺，梓軒表示︰「劇情入面我每次見到佢都好黑仔，拉小提琴會突然斷弦綫，巡邏時又會突然間出醜，但係我哋會擦出愛火花。可能演出太逼真，有一次我哋喺海旁拍戲，想拍個wide shot，啲機擺得好遠，點知有記者偷拍，以為我哋兩個偷情。」

梓軒除了與Gloria有感情綫外，與兩隻警犬亦有不少對手戲，他透露︰「兩隻狗都好聰明、好好力、反應好快，但都好鍾意蝦人，如果你同佢哋唔係好熟，或者你駕馭唔到佢哋，就會蝦你，所以每次拍攝前都要同佢哋『放電』，就算開06（清晨六時）都會提早一個鐘入去同佢哋玩，最長玩咗兩個鐘，後來縮短至個幾鐘，同佢哋玩波、跑步，每次睇番個劇，我都會好掛住佢哋。」