新劇《打天下》收視佳 歐錦棠緊張到似入ICU

歐錦棠、談善言昨日到商台為ViuTV熱播新劇《打天下》宣傳，劇集今晚播出第五集，口碑不錯，收視較預期中理想。不過身兼監製及男主角的歐錦棠直認擔心劇集成績，心緒不寧，更誇張說似要在ICU留醫，認真百無禁忌。

歐錦棠表示自劇集播出以來，每晚都上網留意觀眾反應，雖然收視仍處於單位數字，但已比想像中優勝。他笑言︰「點都應該去唔到雙位數㗎喇，如果雙位數嘅話，你會諗發生緊咩事，會唔會係隔籬台嘅大氣電波無咗，不過今次套劇收視已經跨咗一大步，仲成為ViuTV最高收視劇集，好開心啦。」

談善言怕觀眾唔接受

問到會否因為ViuTV之前的劇集都是高水準，令《打天下》嘗到甜頭？歐錦棠坦言之前的劇集水準相當高，其實劇集播出以來，他都十分擔心，壓力好大，每晚都會諗劇集成績，又會想到觀眾是否接受。談善言亦表示晚晚失眠，會留意網上觀眾評論，擔心角色令人討厭，「喺劇入邊我個角色係一個好難相處嘅人，得一個朋友，而且好乞人憎，都有少少擔心觀眾會討厭自己。」身旁的歐錦棠立即安慰她，表示她的角色性格會慢慢變好，會是一個逐漸令人喜愛的角色。

劇集收視及口碑不俗，為何仍未能放下心頭大石？歐錦棠笑言︰「我依家好似日日都喺ICU咁，真係好緊張，日日都心緒不寧。（係咪仲插緊喉？）係希望條大水喉啦！」他又承認身兼劇集監製，少不免精神緊張，相信要待劇集播完才能真正放鬆下來。

採訪、攝影︰Pauline

編輯：陳禮恒

美術：梁政敏