16歲愛犬「細佬」離世 張敬軒留言大派洋蔥

張敬軒在圈中出名有愛心，家中飼養多隻貓咪和愛犬。昨日他在社交網自爆愛犬「細佬」不幸離世，字裏行間流露出不捨的心情。

張敬軒寄情養貓，可惜愛貓Natasha於三年前突然離世，他亦透露在香港及廣州的家合共養了四頭狗，由於牠們年紀老邁，所以都有不少病痛。其中年屆16歲的「細佬」已經行動不便，軒仔專程從美國訂購一架輪椅給「細佬」，好讓牠每天都能落街走走，軒仔更不惜請多了傭人來幫忙，好讓「細佬」獲得最貼心的照顧。

寸阿Sa要驗眼

可惜，昨日傳來「細佬」逝世消息，軒仔昨早在社交網貼上愛犬的照片，並留言悼念︰「細佬，你不用再受苦了，謝謝你這16年來代我陪伴在爸媽身邊。你又乖又叻，你跑喇，去搵阿B，阿Q同飯團玩。哥哥會一直掛住你，再見。」圈中好友紛紛向軒仔送上慰問。據知，「細佬」多年來都在廣州陪伴軒仔父母，相信牠的離開必定令軒仔雙親傷心不已。

另一邊廂，有粉絲送上軒仔的人像素描，但他看來不太滿意，還要爆seed留言︰「其實你哋可唔可以搵啲其他嘢做，唔好再畫我。我睇入面啲留言話畫得好似，我唔單止想退出樂壇，我直情覺得我要退出呢個宇宙。」之後他將三幅畫製成一輯「Before and After」的短片，更連講三次「唔似」，但好友蔡卓妍（阿Sa）留言說︰「我覺得畫得幾似呀！」軒仔即反擊阿Sa︰「使唔使幫你book定驗眼？」句句有骨，卻十分搞笑。

撰文︰倪小珊

編輯︰陳禮恒

美術︰梁政敏