陳柏宇計劃一年內再追B

在新冠肺炎疫情肆虐下，陳柏宇（Jason）直認減少外出，他前晚戴上口罩出席《地球一小時2020》活動，呼籲大家注意個人衞生，同時亦要珍惜資源保護地球。

陳柏宇經常在家中健身，閒時亦會到健身室操弗自己，提到娛樂場所包括健身室要關閉14天，Jason坦言前日趕及在停業前到健身室做運動，他說︰「本來喺屋企舉起阿女當練習，但佢太輕，得20磅。」他指囡囡Abigail雖然長高了，但體重沒有明顯增加，仍屬於輕磅BB。

Jason又表示在疫情影響之下，令其工作量減少，問他可會多了時間「造人」？他即笑言︰「要造人唔使book時間，有計劃自然抽到時間實行，囡囡已經一歲半，我哋係有呢個計劃，都係預呢一年之內，生仔生女都無所謂，如果生仔就可以儲齊一套。」

一條底褲穿8年

Jason在活動上分享自家「另類」環保方法，他自爆不會浪費衣物：「底褲着咗7、8年都唔會丟，太太都未必知道已經着到爛。」他笑言就算內衣褲穿窿，如果影響不大亦會照穿。不過，由於一家三口及傭人姐姐近來都多了時間在家，結果用多了電，試過最高電費要3000多元。

撰文︰Pauline

編輯：陳禮恒

美術：梁政敏