疫情打擊急變陣 餐廳轉型設網上外賣 黃宗澤︰要幫補下

新冠肺炎持續肆虐，社會各行各業生意蕭條，餐飲業更是首當其衝；近年投資多間蠔吧的黃宗澤（Bosco），生意亦受到重創，他昨日接受《晴報》訪問時，透露旗下多間餐廳的營業額插水式急跌，為了挽救餐廳及員工飯碗，餐廳自上周開始增設網上外賣，希望「疫境」求生，Bosco直言︰「咩都試下啦，見步行步。」

近年一擲千金投資蠔吧生意的Bosco，面對突如其來的疫情衝擊，加上市民改變外出飲食習慣，令他不得不諗計挽救餐廳業績。

昨日有連鎖快餐店宣布，所有餐廳於下午六時後不提供堂食，只設外賣及外送服務，但原來Bosco的餐廳亦自上周起增設網上外賣服務，他昨日接受《晴報》電話訪問時表示︰「我哋上星期開始有做，乜都試下啦，都有（賺）少少㗎，要幫補下，總之見步行步。」

斥隔離人士外出不負責任

此外，對於政府擬立法禁止餐廳出售酒類飲品，Bosco的蠔吧生意必定大受影響，他帶點無奈，但亦表示贊同︰「都無辦法，大家要齊心對抗疫情，咩生意都要擺埋一邊先。依家我哋生意額都跌咗七、八成，不過咩都唔諗住，（餐廳）頂得幾耐得幾耐，大家齊心打贏呢場仗。」至於可有作最壞打算？Bosco坦言︰「暫時無，但我最唔想員工無咗份工，依家計埋part time有十幾個員工，大家一齊頂住先。」

Bosco亦得悉近日有不少戴着電子監察手帶的隔離人士擅自外出，他直斥︰「真係不負責任，希望大家乖乖地留喺家居隔離。」而原本工作排到年尾的他，為避疫已停工，他表示︰「所有電視劇、電影都停晒，安全啲嘛，依家都盡量留喺屋企，陪下屋企人。」

至於曾在銅鑼灣開設酒吧的莊思敏，對於政府擬食肆禁售酒表示支持，她說︰「雖然我早幾個月已經退咗股，但我都唔建議大家飲酒，因為無酒飲就無出街嘅藉口。」

撰文︰Pat

編輯︰黃寶恩

美術︰梁政敏