鄭俊弘母子同場錄影 鄭媽媽約未來新抱唱粵曲

薛家燕、鄭俊弘（Fred）、朱咪咪、阮兆輝及謝雪心等，前晚在電視城錄影節目《流行經典50年》。家燕姐稱該集主題是「梨園之夜」，鄭俊弘偕母親現身，但他不敢與鄭媽媽合唱粵曲，更重提一段童年陰影。

鄭俊弘的媽媽朱詠珊擅長唱戲曲，前晚獲邀為《流行經典50年》錄影，並與甘國衞合唱粵曲《帝女花之香夭》。鄭媽媽笑言︰「Fred唔肯同我合唱，佢鍾意唱時代曲，之前睇過佢唱《禪院鐘聲》都唱得幾好，只要用心學一定得。」不過，Fred竟說︰「我對粵曲有陰影，因為小時候，媽咪一早就會播粵曲，到夜晚就練戲曲。」問鄭媽媽可有轉目標，考慮搵未來新抱何雁詩合唱粵曲？她笑說可以考慮下︰「要搵首曲拉埋佢一齊唱。」此外，何雁詩昨日在電台表示，11月將在香港擺婚宴，但之前在美加舉行婚禮，未知會否受疫情影響行程。

家燕姐低調慶70大壽

家燕姐在節目中與黃百鳴合唱一曲《鳳閣恩仇未了情》，她說︰「香港有好多人欣賞粵曲，今晚係『梨園金曲之夜』，除咗請到粵劇名伶阮兆輝、尹飛燕，仲有朱咪咪喺新加坡返港亮相。」

圈中人緣甚佳的家燕姐，本月30日踏入70歲大壽，問她打算怎樣慶祝？家燕姐謂︰「踏入七字頭，但我個樣就唔似嘅，哈哈！本來計劃擺幾十圍，同粉絲、學生、朋友一齊慶祝，但受疫情影響，避免人群聚集要改期，粉絲都覺得可惜。」她表示兩個女兒會由美國返港一齊慶祝，笑言︰「今年可能要靜靜地過生日，或者喺社交平台直播生日會，人情就網上過數得喇！」

撰文︰Pauline

編輯︰陳禮恒

美術︰梁政敏

攝影︰林良明