獲好友慶祝封影后 溫碧霞感動眼濕濕

溫碧霞（Irene）日前憑新片《墮落花》勇奪《愛爾蘭第8屆絲綢之路國際電影節》最佳女主角後，近日再接獲喜訊，該片成功入圍的第四個影展是《第15屆大阪亞洲電影節》，認真威水。

剛由峇里度歲返港的Irene，前晚獲一班好友為她慶祝首度獲封國際影后，令Irene感動得眼濕濕︰「好開心呀，多謝大家畀我呢個surprise，個蛋糕好靚呀！我一定會繼續努力，拍多啲好戲畀大家睇。」她對於未能親赴愛爾蘭領獎，感到少少遺憾，但她抱着期待心情︰「獎座及證書仍在寄運途中，呢個係我第一個國際獎項，仲要係最佳女主角，希望快啲收到啦！」