關智斌去旅行最怕麻煩友

關智斌（Kenny）、陳家樂和楊天宇（Angus）主持的網上綜藝節目《三夫當關》日前播出第六集，主題是「旅遊」，眾人自爆在旅途中做過最瘋狂的事，而Kenny則揚言最討厭旅行麻煩友。

節目一開始，陳家樂即自爆去年被經理人霍汶希（Mani）懲罰，要「坐監」至今年：「我上年除咗工作之外，就好少去旅行，因為我喺年頭做咗件事無同Mani講，所以佢罰我無得去旅行。」

家樂更模仿Mani生氣拍枱︰「從來無人夠膽唔同我講佢做過啲乜嘢㗎！」眾人又討論和朋友去旅行最麻煩的事，家樂將矛頭直指楊天宇︰「最怕男仔都要化粧，佢同我哋出街都要化粧。」

陳家樂被真槍指住

關智斌坦言去旅行最怕遇到「口講無所謂，但其實好有所謂的人」，家樂聽後直認自己就是麻煩友，Kenny即向家樂大喊︰「就係你呢啲咁嘅人呀，講起我都嬲。」至於去旅行做過最瘋狂的事，Kenny自言玩時很大膽，例如跳降落傘、笨豬跳、雪地探險等；家樂就指自己最瘋狂只是去看人妖show。

及後，家樂分享去年到墨西哥拍攝電影的驚險經歷，他當時趁空檔與同事出外遊玩，途中遇上軍隊，更被軍隊用槍指着，最後要向軍隊展示電影拍攝許可證才獲得放行，令他十分難忘。

撰文︰倪小珊

編輯︰李潔盈

美術︰勞偉健