【安心偷食】子華「童話論」一語成讖 許志安「廚房宣言」獨遺心悒

黃心穎與許志安昨日被爆出早前背男友馬國明及老婆鄭秀文出軌。二人於的士車廂攬啜互摷兼十指緊扣，親蜜程度令人咋舌，偷食事件轟動全港。平日唔睇八卦新聞嘅朋友都衝晒出嚟，全城密切關注事態發展，皆因全港市民可以話係睇住許志安同鄭秀文長大，喺大家嘅眼中，佢哋已經係分唔開嘅一對。唔少人都回帶，提起當年黃子華為Sammi演唱會擔任嘉賓，形容佢哋係香港嘅童話，依家聽番，真係份外心悒！

{{hket:inline-image name="92.jpg"}}{{/hket:inline-image}}

{{hket:inline-image name="8.jpg"}}{{/hket:inline-image}}

子華:「我同Sammi唔熟喺度扮熟，許志安係好熟，扮唔熟。（子華左顧右盼）有冇嚟咗，喺邊度？」Sammi指住觀眾席:「嗰樹呀！」之後子華形容Sammi嘅Fans都好鍾意許志安，仲話許志安上到台佢哋嗌到好似畀鬼嚇，嗌到盡頭仲要大嗌：「好正呀！」話佢哋呢班人都有「外母病」，見到許志安呢個「女婿」就欣喜若狂。後來就話要同Sammi解釋佢哋呢一對係有「社會意義」。

{{hket:inline-image name="10.jpg"}}{{/hket:inline-image}}

{{hket:inline-image name="11.jpg"}}{{/hket:inline-image}}

「佢見到一齊就覺得好正知唔知點解啲人咁想見到你哋一齊因為你哋係童話，金童玉女，但係爆咗煲……曾經！然後破鏡，竟然又能夠重圓！呢個係童話中嘅童話，所以你明唔明白你嘅社會意義？你嘅責任？因為今時今日嘅香港係少咗好多童話㗎喇！所以如果你兩口子喺屋企鬧交呢……如果許志安鬧你，你係有權同佢講：『收聲，唔係為咗我，為咗香港！我叫你去買豉油就買豉油，唔好駁嘴！大局為重！』最後呢你呢個童話點樣最完美呢……真係，生個仔，我連你個仔個名我都幫你諗埋，叫做勝…不許敗，許志安個仔，許勝不許敗！你諗吓你三母子一齊走出嚟，贏晒，許志安、鄭秀文、許勝不許敗！」

如今童話破滅，唔少女性都真係出嚟話唔再相信愛情。

{{hket:inline-image name="04ed8p4.jpg"}}{{/hket:inline-image}}

{{hket:inline-image name="6.JPG"}}{{/hket:inline-image}}

許志安及鄭秀文（Sammi）成為2001年度《勁歌》總選的最受歡迎男、女歌手，安仔當晚得獎時在台上發表「廚房宣言」，佢喊住講：

「有一個人我一定要多謝，我記得幾年前曾經喺佢廚房度話，如果有一日你拎女歌星獎，我拎男歌星獎就好，多謝你。」此時在台下嘅Sammi被安仔「愛的宣言」感動，喊到停唔到，隨即更衝入後台。