「火雞姐」丁可欣上節目自認問題學生 直言唔怕老師：「唔知有咩好驚」

丁可欣（火雞姐）為ViuTV節目《晚吹女學生．吹水班》擔任嘉賓，分享讀書時期所發生嘅事。喺節目上，佢自認係問題學生，又曳又貪玩。除咗唔肯遵守校規紥頭髮同交功課，仲會喺上堂時偷食，仲直言唔怕老師：「唔知有咩好驚」。佢亦憶起有次喺堂上瞓覺時，因為不停畀老師叫醒，於是發脾氣推晒啲書落地，仲同老師對鬧，但由於嗰位老師平時好錫自己，所以令佢事後非常後悔。另外，佢亦表示由於成日上堂玩電話被沒收，因此自備咗一部假電話模型作被沒收之用。

{{hket:inline-image name="34.jpg"}}{{/hket:inline-image}}

{{hket:inline-image name="3.jpg"}}{{/hket:inline-image}}

其實，火雞姐早前都曾被網民大爆佢嘅「校園往事」。當時網民力數佢中學時期嘅罪狀，如偷手提電話、借錢不還、欺凌同學等，令火雞姐形象大跌。火雞姐隨後亦有回應網民嘅指控，坦承惡行，並喺社交網站上向受害人道歉。「我希望承認錯誤，勇於面對自己的過去，向所有初中時曾被我傷害的人說對不起。我會努力學習成為更好的人，也希望曾受害的同學可聯絡我，讓我可以和你們溝通和道歉或商討如何賠償。對不起。」

{{hket:inline-image name="15803190_1295851733786170_6421403186183012352_n.jpg"}}{{/hket:inline-image}}

(丁可欣IG)

雖然火雞姐拍埋片向受害人公開道歉，仲表示願意作出賠償，不過大部分網民都似乎唔多接受，繼續鬧爆火雞姐，更有受害人揚言永遠唔會原諒佢。事隔一個多月，火雞姐亮相節目，再分享校園往事，一班網民又點睇呢？

{{hket:inline-image name="46302839_2224270374481626_5649717443817367107_n.jpg"}}{{/hket:inline-image}}

(丁可欣IG)