曬舊相被網友激讚 佘詩曼靚樣冰封15年

藝人佘詩曼前排因為一個網紅「美顏濾鏡」搞到驚變「蛇精女」，塊面尖得離奇，就連佢本人都畀自己個樣都嚇親，證明咗美顏並唔係個個人適用，而阿佘天生麗質又洗咩搞咁多嘢呢？最近潮流興玩「10-years challenge 」阿佘早兩日都玩埋一份，擺咗一張15年前嘅舊照到IG，留言：「Time flies when you are having fun.#15yearsago#15年前」相入面嘅佢同而家完全無分別，連方力申都感嘆佢keep得超好，忍唔住留言「而家仲靚」。一眾網民都話，如果唔係知道佘詩曼而家短頭髮，會以為呢張相係近期影嘅：「都係咁靚， 依家多咗份女人魅力」、「好靚好索啊 」、「不老女神」。

{{hket:inline-image name="hhh.jpg"}}{{/hket:inline-image}}

(佘詩曼舊照,IG圖片)

睇番佘詩曼以前喺《金枝慾孽》、《酒是故鄉醇》嘅劇集照片，真係同而家無咩唔同，絕對靚足咁多年。現年43歲嘅佢不時上傳素顏照到社交網絡，無化妝嘅皮膚都超水潤，好似閃閃發亮，素顏仲靚過化妝，到底佢有咩保養小秘訣呢？

{{hket:inline-image name="20180808060302782.jpg"}}{{/hket:inline-image}}

(Tvb電視截圖)

常食麒麟果

阿佘經常會食麒麟果，麒麟果又有「生果界燕窩」之稱，不但可以美顏、排毒、抗氧化的功效，而且含有多種營養素例如維他命C、鐵、磷、鎂和水溶性纖維等等。麒麟果
嘅果籽比果肉含有更多的多酚(Polyphenols)、維他命C、多元不飽同脂肪酸等等，比常見的紅色火龍果更加有營養！多吃麒麟果可美白皮膚和抗氧化，對皮膚非常有益，難怪阿佘的皮膚好似二十多歲的少女一樣好！

{{hket:inline-image name="675ea4f4gy1fvw385lbd2j21sg2ds4qt_10776585545c3f18195f837.jpg"}}{{/hket:inline-image}}

(佘詩曼IG圖片)

徹底清潔皮膚

做藝人為保持喺鏡頭前最完美嘅一面，化妝係必須，不過化妝品其實好傷皮膚，特別拍古裝電視劇要塗上厚厚的粉底。所以阿佘好注重皮膚清潔，而第一個步驟就是徹底卸妝，只係落妝程序，佢已經要做4次，然後再潔面數次。

{{hket:inline-image name="ffff.jpg"}}{{/hket:inline-image}}

(佘詩曼IG圖片)

早晚都敷面膜

佘詩曼最注重保濕，只要皮膚保濕做得好，就會好似飲飽水咁水潤！阿佘每天早晚都會敷面膜，早上就用水狀精華液保濕面膜，晚上就用濃稠嘅膠原蛋白面膜，因為濃稠質地如果無洗乾淨，化妝時容易結塊，所以放晚上使用。

{{hket:inline-image name="fff.jpg"}}{{/hket:inline-image}}

(佘詩曼IG圖片)

每朝飲一杯牛奶燕窩

佘詩曼每日起身都會先飲一杯牛奶燕窩，燕窩佢會買現成，再加落熱牛奶度一齊飲，佢話：「女人係水做㗎嘛！唔可以懶，而且呢個方法夠簡單，係邊度都可以咁飲！」另外阿佘都會自己調製茶飲，常飲玫瑰花茶、蘋果茶、薄荷茶、藍莓果茶同枸杞茶，就算拍劇都不忘好好照顧自己身體。

{{hket:inline-image name="cfff.jpg"}}{{/hket:inline-image}}

(佘詩曼IG圖片)