【有圖有真相】謝安琪下巴100%真 網民力撐同中學舊相冇分別

相信大家都知張繼聰喺情人節「做壞規矩」，為咗俾一個難忘嘅情人節老婆，竟然當街借結他即興busking，冧到謝安琪笑到甜絲絲。除咗好多人隔住螢幕都覺得好sweet之外，有部份網民發現謝安琪下巴有啲奇怪：「唔知打針定咩，咁樣獨立跌一舊出嚟都幾唔自然，一睇就覺得裡面有異物」、「雙眼皮我當化妝同痴膠紙，但個下巴同出道嗰啲相嚟比較，根本呃唔到人」，再度驚爆變臉疑雲。

{{hket:inline-image name="13.jpg"}}{{/hket:inline-image}}

有人彈就一定有人支持，唔少粉絲就力撐偶像由細到大都係咁靚，特別下巴一定係真，可能只係減肥或者妝容先俾人一種變咗樣嘅錯覺：「學生時期好靚好仙，睇舊相覺得下巴好尖，100%係真，淨係減左肥」、「唔覺前後對比好大，主要係以前個妝核突」、「呢啲面型大有人在，冇整過笑起上嚟側面下巴都會咁」。另外，亦有網民覺得就算變臉都冇問題，因為大家是喜歡她的內在美與才能，而不是單憑樣貌：「整左都好，依家大把所謂靚女都係整㗎啦，睇得順眼咪算，更何況中意謝安琪係欣賞佢性格同形象」、「佢女神係因為個人形象大過外表」。

睇返謝安琪中學生個樣，合埋個口下巴依然好尖好兜，去到啱啱出道都係，所以依家張側面相突咗出嚟都好正路。況且好多人下巴天生都係咁，有個女網民就話佢本身好瘦有尖下巴，生完bb就算個人冇肥，側面都同謝安琪一樣，後面有舊肉。其實謝安琪自2005年出道做歌手，已經不時被人質疑整容，針對割雙眼皮、豐胸等指控，仲整咗出道以來多幅相做對比，唔知你哋又點睇？

▼學生時期

{{hket:inline-image name="12.jpg"}}{{/hket:inline-image}}

▼初出道箍牙中

{{hket:inline-image name="11.jpg"}}{{/hket:inline-image}}

(東星娛樂)

▼2007年

{{hket:inline-image name="16.jpg"}}{{/hket:inline-image}}

(東星娛樂)

▼2008年

{{hket:inline-image name="17.jpg"}}{{/hket:inline-image}}

(東星娛樂)

▼2009年

{{hket:inline-image name="18.jpg"}}{{/hket:inline-image}}

(東星娛樂)

▼2016年

{{hket:inline-image name="20.jpg"}}{{/hket:inline-image}}

(東星娛樂)