岑麗香期待同苟姑娘一齊陀B

岑麗香（香香）昨日出席太陽眼鏡發布會，將於今個月17日便-34歲生日的香香，希望老公強強為她送上驚喜，一起去度假慶祝。

露出事業綫的香香性感迷人，她笑言偶然健康的性感絕對無問題，幾個月前離開無綫的香香，現時經常加拿大和香港兩邊飛，早前還與老公強強去了上海度假，她亦樂於享受悠閒生活，問她去上海期間可有趁機造人？香香露出燦爛笑容謂︰「努力中，有好消息一定同大家公布，（身邊好姊妹都先後做媽咪，你心急嗎？）唔心急！我哋結婚都未夠兩年，順其自然啦！（同苟姑娘鬥快生B？）哈哈！又唔使鬥快，啱嘅時候我哋互相恭喜啦，正能量啲！」

盼老公送驚喜

香香透露今年的生日願望，希望達成夢想，她說︰「有個地方好想去，之前睇咗電影，發覺台灣十份好靚，好想同老公去當地放天燈，（求子願望？）睇下到時靈感啦！」至於屆時將會如何慶祝？香香笑謂往年生日臨近TVB台慶，因需要綵排而未能慶祝，今年希望可以與老公好好慶祝一下，有人提議可以去夏威夷過生日，她說時間太倉卒︰「其實不一定要到外地，只要與老公一齊就很開心。」

採訪︰Pauline

編輯︰黃卉彤

美術︰梁政敏