惠英紅食餃子慶祝授勳

惠英紅早前獲特區政府頒授銅紫荊星章，經理人公司英皇娛樂老闆楊受成前晚在銅鑼灣舉行慶功宴。紅姐表示獲授勳當晚回家，胞姐已為她包餃子慶祝，她笑言︰「屋企每逢大時大節都會食餃子，嗰晚我食咗十幾粒。」

紅姐又說︰「我嘅人生算係咁喇。」下一步希望結婚，她表示自97年後一直沒有感情生活︰「朋友都有介紹，但個個都話我強。我本來係隻波斯貓，但生到似獅子咁都無辦法。」直到30多歲時，曾有相士說她要60過後才遇到真命天子，其時紅姐即跑去附近公園喊。事隔多年，今年58歲的她，期望兩年後遇到真姻緣。對於擇偶條件，她說︰「唔使有錢，好人就得，即使大肚腩有臭狐又點？或者你聞係臭，我覺得香呢？」