軒仔想同工藤佑采做friend

張敬軒、陳法拉昨日出席服飾品牌活動，軒仔與今屆落選港姐工藤佑采互換IG頭像，軒仔笑言︰「我睇佢嘅選美片段，啲人話佢黑面，我唔理解，其實佢係無論咩處境都be cool，要chok同有型，假設佢真係黑面，人人都有黑面嘅權利，工作上遇到同事、上司做咗啲唔開心嘅嘢，咁就黑住面去做囉。」軒仔又謂有興趣跟她在社交平台交個朋友，還大讚她的風頭絕不遜於三甲佳麗。

此外，法拉早前「找數」公開遊法國時的泳照，問她相片是否由男友操刀？法拉笑言︰「係囉！我跑，佢追唔切，所以張相只係影到我背面。」