張繼聰自爆邵美琪係兒時女神

張繼聰有個「女神」老婆謝安琪（Kay）和前世情人（女兒張靖），但原來他還情傾另一個女人，就是最近合作拍電影的邵美琪，還大讚對方索。

張繼聰出席電影《女皇撞到正》慰勞宴，他表示這部是類似80、90年代嘅港產喜劇鬼片，提醒大家珍惜眼前人。電影中他與周秀娜飾演歡喜冤家，對方有陰陽眼，而他就會被葛民輝、吳耀漢及邵美琪上身，因此要模仿他們的動作及神態。

在新戲中要扮邵美琪（Maggie），阿聰表示︰「我同佢合作拍過劇，對咗5、6個月，所以都熟絡。盡量模仿啦，佢美若天仙，唔想醜化佢。（咁Kay又點呢？）今日唔好講老婆住，我諗佢都唔會反對。」他不諱言由Maggie出道起，已欣賞她的劇集和電影︰「細個功課都唔做就係睇佢，覺得佢好索，到依家都係，同佢合作好開心。」

娜姐開工經常忍笑

被阿聰公開讚美若天仙，Maggie尷尬地笑說︰「我唔知講咩，佢今日做善事啫，我讚番周秀娜好靚。（阿聰話睇住你大？）同佢開工好開心，佢好投入同勤力，又成日幫人。」

周秀娜亦稱有阿聰和葛民輝的場口一定充滿歡樂，她經常忍笑︰「導演嗌Cut，佢兩個仲停唔到。（成日爆肚？）所以想繼續合作，會令我哋打醒十二分精神。」此外，講到近日《延禧攻略》深受歡迎，Maggie和周秀娜都想有機會再拍宮廷劇。

撰文︰Pauline

攝影︰林良明

編輯︰黃卉彤

美術︰招潤洪