Do姐唔再話事揀冠軍

鄭裕玲（Do姐）孖農夫、蕭正楠等擔任港姐決賽司儀，去年Do姐以決定性一票，將港姐冠軍寶座投給雷莊𠒇，結果爭議不斷，昨晚她輕鬆笑說：「無啦，唔使喇！上年其實係公司叫我做，唔係我自薦，完全唔關事。」有指無綫封殺曾志偉？她表示自己打份工，所以不知情，自己跟誰合作一樣開心。

蕭正楠與曹永廉昨晚攞正牌睇靚女，阿廉笑言已向太太「報定案」，更講笑指要問佳麗攞電話。而蕭正楠取笑阿廉樣貌猥瑣，更揚言要幫阿廉太太𥄫實對方。