正式加盟樂壇 田蕊妮斟茶做坤哥師妹

田蕊妮（阿田）昨日宣布加盟星娛樂做歌手，身為同門「大師兄」的吳業坤現身記招撑場，大會安排阿田斟茶給坐在椅子上的坤哥，但坤哥不敢坐，更腳震震地送上大利市給阿田，場面搞笑。

參加歌唱比賽出身的田蕊妮昨日正式加入樂壇，記招現場更首播由阿田執導的新歌《兩口子》MV，男主角是「Trivago男神」黎學勤，但MV最後竟由男神變成阿田老公杜汶澤！阿田更搞笑反問︰「係咪好靚仔？世人點睇都好，老公喺我眼中係男神，我都係佢女神。（搵佢客串要重金禮聘？）佢一定要嚟，仲幫我影埋相！」問到老公現身MV，可擔心無綫抽起播放？阿田坦言沒有去想，只一心想拍好MV。

對於坤哥在台上腳震震，阿田笑言︰「頭先我都震呀！佢成日電話騷擾我，仲要話『師妹，請師兄飲咖啡啦』。」

撰文︰倪小珊

編輯︰李潔盈

美術︰梁政敏