關楚耀認對朱晨麗加分

關楚耀（Kelvin）首次拍劇集《特技人》，與朱晨麗、傅嘉莉等靚女有感情綫。昨日他到商台接受訪問，被問到可有愛上對手？他笑言︰「戲入面囉，唔係真。（唔鍾意朱晨麗？）第一次同佢拍戲感覺好好，佢好搏命，亦係劇入面唯一一個女仔要跳樓、飛車同爆破，有日佢拍到暈同中暑都頂硬上。（有無心痛？）唔係淨係我心痛嘅，全個劇組都係，好欣賞佢。（對佢加分？）係呀。」問到現實中會否考慮追求朱晨麗或傅嘉莉？Kelvin直言︰「我依家無諗呢樣嘢，工作至上，亦會將屋企人同朋友排先。」Kelvin又透露即將錄新歌，他承認拍劇之後多了工作機會。