港姐高育英苦練廣東話

20位應屆候選港姐昨日到銅鑼灣試戴名貴珠寶行Catwalk，18號高育英在澳洲長大，以英文為母語，因此廣東話麻麻。問她可擔心決賽時在問答環節輸蝕？她說：「我晚晚學廣東話，又會同其他佳麗多啲傾偈。其實我參賽前睇咗好多歷屆港姐問答，希望到時廣東話講快啲。」

同場的1號蘭依婷獲佳麗選為「最佳首飾演繹佳麗」獎，同樣廣東話相當水皮的她，笑言現時煲劇惡補。「我有睇《天命》、《BB來了》同《宮心計2深宮計》，我覺得廣東話可以慢慢學，但比賽得一次，希望到時發揮到最好。」