「4手」展絕技 劉華拉小提琴玩雜耍

劉德華日前為OSIM按摩椅拍攝廣告，一向工作態度專業的華仔，在廣告中展示十八般武藝，又以「4手」同時表演，令人讚嘆。

華仔在廣告中展現非一般的驚人絕技──擁有四隻手，能同時彈琴、拉小提琴、下廚及舉重，華仔笑言︰「為咗呢個廣告，真係將自己十八般武藝全部都搬晒出嚟，好似拉小提琴，其實我一啲都唔識，但希望喺廣告裏面的第一次表演，可以為觀眾帶嚟驚喜。」

個唱優先訂票火速售罄

對於今次廣告意念，華仔直言十分喜歡，大讚廣告天馬行空極具創意。而平時工作都傾盡全力的華仔，雖然被封為「鐵人」，但總有疲累的時候，華仔坦言按摩是一個很好的放鬆方法，他更笑言︰「當然係將部按摩椅帶返屋企，同屋企人一齊享受，咁就perfect。」另外，12月舉行的《My Love Andy Lau劉德華World Tour》演唱會，昨日開始接受信用卡優先訂票，但開售第一天15場優先訂購門票已被搶購一空，可見「餓」了八年的華迷十分期待是次演唱會，而未撲到飛的歌迷記得密切留意公開發售日期。

撰文︰倪小珊

編輯︰黃卉彤

美術︰顏玉玲