穿性感排球裝拍劇 朱晨麗最驚走光

朱晨麗（朱朱）、譚俊彥、關楚耀及傅嘉莉昨日宣傳新劇《特技人》，見到朱朱雙眼通紅，她解釋︰「開工時用嘅化粧品唔太乾淨，受細菌感染，依家視綫模糊，睇唔清楚其他人。」譚俊彥問她︰「係咪睇咗唔應該睇嘅嘢？」朱朱笑謂︰「就係無，所以覺得好蝕。」

前晚《特技人》播出朱朱在沙灘穿上性感排球裝，做跳躍動作的戲分，豐滿上圍令觀眾譁然，她表示︰「我起初接受唔到，因為唔同選美，咁大嘅動作兼下身泳褲超高衩，室外拍都驚途人影到走光相，好彩出嚟效果好。（身材弗過選美？）要操，始終年紀大！」提到《特技人》反應不俗，譚俊彥回應稱︰「呢套劇大家都係首次孭咁重飛，台前幕後都好新，大家好落力去做、用心去演，唔衰得嘛。」