黎瑞恩開工 爆玻璃樽險中頭獎

黎瑞恩（小恩子）昨日在柴灣拍攝新歌《如果我有事》MV，期間出現小意外，當她躺在枱上，頭頂的玻璃樽突然爆開，玻璃碎片散滿枱上，然而小恩子相當冷靜，可幸玻璃碎片沒有彈到臉上，否則隨時毀容！她表示︰「一切自有安排，如果個天要你整親塊面都無辦法，或者我靚爆玻璃樽呢！」

小恩子剛推出新碟，收錄了兩首新歌及八首翻唱歌，當中包括重唱劉德華的《如果我有事》。她解釋是因為電影《龍鳳鬥》非常感動，還自爆睇了六、七次，更喊足六、七次，「我唔係要挑戰難度，純粹覺得幾得意同埋幾好聽。既然今次呢張係Hi-Fi碟，順理成章唱人哋嘅歌。」

採訪︰Pauline