餐肉薄如紙 食客諷刺刀功勁

百物騰貴，連三文治也偷工減料。有網民在fb專頁「食在元朗」上載圖文，指日前在茶餐廳見識廚師的刀工厲害，因他能將餐肉切得薄如紙，網民不禁笑問：「係火腿定係餐肉嚟㗎」，又語帶諷刺說：「就憑呢片餐肉可以睇得出個廚好刀工」。

圖文吸引近600人畀like，部分人戲言餐肉切得薄如薯片，形容「乜薯片出咗午餐肉味咩」。亦有網民教路，原來將午餐肉放入雪櫃「雪硬」後，再用切割機便可切薄。另有人打趣說，圖中的午餐肉未夠透光，即是不夠透薄，直言「唔及格」。