港姐西貢拍外景 方中信：等我去睇下

方中信與前港姐太太莫可欣前晚出席新片《與神同行︰終極審判》首映禮，提到今屆港姐製作費「縮皮」，只留在香港西貢拍攝外景，兩夫婦聞言即忍不住笑，身為西貢街坊的方中信，更笑言要去觀摩一下。

身為93年港姐冠軍的莫可欣，提到當年參選時，有機會去歐洲拍攝外景：「我哋去希臘同意大利，另一組人就去北京同東京。」她表示沒有留意港姐新聞，提到今屆港姐去西貢拍外景，兩夫婦忍不住對望而笑，方中信更抵死地說：「好嘢喎！去西貢邊度影呀？等我去睇下。」莫可欣踢爆：「佢成日出海睇靚女！」

兩夫婦早前相約方平、鮑起靜夫婦齊齊歐遊，誰知他們剛抵意大利即遺失行李，幸好最後尋回。方中信搞笑說：「我原本諗住有方平喺度，兩個男人可以做搬運工人，點知方平腰痛，最後得我一個人搬。不過方平拎長者八達通，我都唔好意思叫佢做粗重工夫。」

眼淺Shiga勁易喊

另外，同場的連詩雅（Shiga）表示已看過《與神同行》第一集，自言由頭喊到尾，因沒帶紙巾入場，要用衫抹眼淚。她說︰「畫面好震撼，全場都喺度喊緊，我平時唔易喊，但睇電影、故事書就好眼淺，所以我鍾意演喊戲，會容易投入。」

撰文︰Pauline

編輯：李潔盈

美術：梁政敏