拍《L風暴》齋跑無得打 鄧麗欣盼做動作女星

鄧麗欣（Stephy）參演的動作片《L風暴》將在本月23日公映，片中她扮演私影模特兒，未有任何打鬥戲份，主要是在馬路拍攝追逐場面，Stephy坦言希望繼《空手道》後再嘗「打女」滋味。

《L風暴》集合古天樂（古仔）、張智霖、鄭嘉穎及謝天華等凍齡男神，Stephy有幸與眾型男合作，而她的角色與古仔有較多對手戲。「初時以為參與男人們的鬥爭，點知我都無機會打！」Stephy在戲中扮演私影模特兒，個性單純容易相信別人，由於愛玩又欠債，無意中陷害了飾演廉署首席調查主任的古仔。她坦言有不少追車及馬路上狂奔場面，可幸體能無問題。「我記得有一場馬路追逐戲好危險，加上撞正夏天，幾分鐘戲要拍足一整天，真係令人消瘦不少！」

讚古仔拍飈車戲經驗足

Stephy要扮演驚慌表情，笑言只是做回自己︰「拍攝時要試位排好耐，自己拍呢啲戲又冇經驗，主要都係跟指示，所以拍攝時有少少怯，做番真實嘅自己！」曾在電影《撲克王》與古仔合作，她指今次要跟對方飛車︰「古仔駕車與嘉穎追逐，兩架車差啲撞，幾危險！」Stephy又指拍攝時古仔仍未封金像獎影帝，但當時已覺得他有潛質︰「憑佢堅定眼神，其實我一早都貼佢得！」

雖然在《L風暴》沒參與動作場面，但Stephy希望他朝一日再做「打女」。「我最崇拜楊紫瓊，其實一向也有運動，所以比較靈活，之前拍《空手道》筋骨仲算幾鬆！」作為演員，Stephy坦言希望任何危險動作也親身上陣，但現時已不會「頂硬上」。她說︰「以前拍戲曾經拉親，所以之後我盡量避到都避，怕受傷影響拍攝進度！」

想孖王子情侶檔吸金

此外，其台灣男友王子可有勸她拍戲要小心，Stephy強調拍《L風暴》時仍未拍拖，但二人也會交流演戲心得。「我哋算同行，所以都有共同話題，幕前合作亦唔抗拒。（可考慮情侶檔吸金？）當然要睇是否適合的品牌及產品，但暫時未獲邀請，自己也沒想太多，能夠有錢齊齊搵當然好！」

化粧︰Cryus Lee

服裝︰Bally

場地︰小喇咩

髮型︰Euling Chow@IL COLPO TST

撰文︰Steven

攝影︰林良明

編輯︰陳禮恒

美術︰顏玉玲