陳榮峻吳香倫簡單慶生

李璧琦及陳庭欣、陳榮峻與太太吳香倫等，昨日出席無綫「八月星辰」慶祝活動。剛度完蜜月返港的陳榮峻和吳香倫，同樣是八月生日，問他們會否一齊慶祝？陳榮峻說︰「我哋潮州人唔會慶祝生日，下月我媽媽90幾歲生日，都只係簡單食餐飯。（幫太太慶祝？）佢嫁畀我就已經係潮州人，食飯就當慶祝咗。」

同場的李璧琦自言會在生日當天推出新歌《只想緊緊擁抱你》慶祝，她說︰「如果當日唔使開工，都應該會同男友慶祝。（男友會否乘機求婚？）咁驚喜？但係我無諗過，如果真係求婚，我會好好考慮一下。」