港姐縮皮西貢拍外景 志偉笑問邊個西貢呀？

香港小姐競選將於今個月26日舉行，以往曾為多屆港姐決賽擔任司儀的曾志偉，今年未知會否參與，但有指近年港姐成本下降，今年更取消出埠拍外景，志偉認為破舊立新是好事，但某些環節始終應保留。

曾志偉已連續23年為奇華餅家拍月餅廣告片，昨日他和有份拍攝的幾個小朋友一齊亮相發布會。

志偉在不少觀眾心目中是港姐司儀Icon，但去年只是到場講幾句，重要性大減，他坦言無綫未有找他，「如果好似上年咁出場講幾句就唔好喇！（失望？）其實以往嘅模式都唔錯，有啲不斷更新，有啲應該保留原味，始終係一年一度觀眾期待嘅盛事。」志偉也有留意20位候選佳麗的質素，覺得比去年好；不過今年取消出埠拍外景，改在西貢拍攝，遭網民嘲笑縮皮，志偉笑問係越南抑或香港的西貢，並說︰「佳麗出埠會有記者跟隨，傳媒寫多咗，觀眾對佳麗嘅認識加深，節目又好睇啲。」

盼三代同堂拍廣告

提到月餅廣告，他笑言︰「今次係最瞓身嘅，因為瞓住拍。（同小朋友做對手較困難？）我瞓咗覺咪無嘢囉，瞓醒就難搞！」志偉坦言與小朋友合作很開心。之前志偉試過與其母、女兒一起拍廣告，他希望將來和孫仔孫女再拍一輯後生版三代同堂。

採訪︰Pauline

編輯︰黃卉彤

美術︰梁政敏